Hreyfing & Útivera

MBT-Húsavík hefur verið að bjóða upp á fjallahjólaferðir kringum Húsavík. 

Frisbígolfið hefur notið mikilla vinsælda um land allt og eru yfir 60 frisbívellir á Íslandi. Folfið hentar öllum aldurshópum og er frítt að spila. Völlurinn er staðsettur á móts við tjaldsvæðið (hinum megin við veginn).

Skammt sunnan Húsavíkur er Katlavöllur, gróinn og fallegur níu holu golfvöllur. Umhverfi vallarins er einkar notalegt, um hann liðast Þorvaldsstaðará og fallegt útsýni er yfir Skjálfandaflóa. Við Katlavöll er ágæt aðstaða. Þar er æfingasvæði, æfingaflöt og þjónustuskáli með veitingum, kylfu- og kerruleigu. Auk þess er níu holu æfingavöllur sem hægt er að spila endurgjaldslaust. Golfklúbbur Húsavíkur sér um rekstur golfsvæðisins.

Saga Íslands í sjö mílum er skipulagður hlaupatúr þar sem farið er yfir sögu Húsavíkur á hlaupum. Gestir fræðast um víkinga, sögur miðalda, nýlendustefnu Danmerkur, eldfjöll og jarðskjálfta, loftslagsbreytingar og árás nasista á Húsavík í síðari heimsstyrjöldinni. Hlaupaleiðin sem er farin nær frá höfninni að Botnsvatni, um Skrúðgarðinn. Hlaupahraðinn er lagaður í hvert skipti að þörfum hópsins.

Spirit North er lítið jógasetur á Húsavík. Spirit North býður upp á reglulega jógatíma yfir veturinn, en einnig sérsniðna tíma, námskeið, ferðir og upplifanir – allan ársins hring. 

Við Skólastíg má finna leiksvæði fyrir yngstu kynslóðina. Til dæmis, ærslabelg, rólur og önnur leiktæki. Einnig er lítið leiksvæði á tjaldsvæði Húsavíkur, sem er staðsett hjá knattspyrnuvöllunum.

Heilsunudd á Húsavík.

Skíðasvæði Húsavíkur er nú uppá Reykjaheiði við Reyðarárhnjúk. Lyftan sem áður var í Skálamel var flutt og opnuð formlega þann 28.desember 2019. 

Það eru tveir strandblaksvellir staðsettir á Húsavík. Vellirnir eru við Safnahúsið (Stórigarður 17).