Gamli Baukur stendur í hjarta Húsavíkurbæjar með útsýni yfir sjóinn og höfnina. 

Matseðillinn samanstendur af réttum úr ýmsum áttum og er hráefnið ávallt fengið brakandi ferskt frá birgjum úr nágrenninu. Bjór- og vínseðlar eru fjölbreyttir og starfsfólkið boðið og búið til ráðlegginga varðandi val á vínum með mat. Kaffidrykkir fást í úrvali ásamt eftirréttum. Á kvöldin skapast þægileg kráarstemning á Bauknum

Lemon er staðurinn fyrir þá sem eru að huga að heilsunni og vilja holla og góða næringu sem fær bragðlaukana til að dansa. Samlokurnar og djúsarnir er þeirra aðalsmerki en það er einnig hægt að fá vefjur, salöt, hafragraut, orkuskot og kaffi.

Veitingastaðurinn Moby Dick býr yfir einstöku andrúmslofti þar sem hvalir eru alls ráðandi. Þar sem Fosshótel reyna eftir fremsta megni að eiga í góðum samskiptum við nærsamfélagið þá er matseðilinn mest megnis byggður á hráefni úr héraði. Þar má helst nefna hinn ómótstæðilega hreindýraborgara.

Eftir annasaman dag á Húsavíkursvæðinu er ekkert betra en að slaka aðeins á í einum drykk eða svo á Moby Dick.

Í einstaklega björtu gulu húsi á Garðarsbrautinni stendur veitingastaðurinn Naustið. Naustið býður upp á ferska sjávarrétti og lúffenga fiskisúpu.

Salka er eitt sögufrægasta hús á Húsavík en þar var Kaupfélag Þingeyinga áður með rekstur. Salka býður upp á matreiðslu úr hinu þekkta þingeyska matarbúri og leggur þar með áherslu á að nota besta mögulega hráefni hverju sinni í notalegu og afslappandi andrúmslofti veitingastaðarins.

Veitingastaðurinn Heiðin er hluti af notalegu sveitahóteli, Hótel Skúlagarði. Staðurinn er steinsnar frá Ásbyrgi. Áherslan er á íslenska lambakjötið og hráefni úr héraði. Til dæmis er hægt er að gæða sér á lambaloku, lamarifi og lambasteik.

Veitingastaðurinn og hótelið er 50km austan Húsavíkur. 

Húsavík Öl er nýleg viðbót við veitingaflóruna á Húsavík. Staðsett í gömlu mjólkurstöðinni er rekið brugghús og gestastofa undir sama þaki. Húsavík Öl má einnig finna á veitingastöðum á Húsavík, í sjóböðunum og á BrewDog í Reykjavík. 

Bjór frá Húsavík Öl hreppti fyrstu verðlaun á Bjórhátíðinni á Hólum í Hjaltadal árið 2019. 

Í Heimabakarí er allt það sem fyrsta flokks bakarí býður upp á. Nýbakað brauð og bakkelsi dregur marga að. Á blíðviðrisdögum er hægt að sitja fyrir utan og njóta lystisemdana.

Tungulending er staðsett í einstöku húsi á Tjörnesi. Þar er hægt að sitja úti og njóta útsýnisins við Skjálfandaflóa. Þar er einnig rekið gistiheimili. Kjörið að kíkja við ef farið er Demantshringinn eða Norðurstrandaleiðina. Tungulending er 15 km norðaustur af Húsavík.

Kaffi Kvíabekkur er kaffihús rekið af notendum Miðjunnar sem er hæfingarstöð og dagþjónusta fyrir fólk með fötlun. Kaffihúsið er staðsett í Skrúðgarðinum við Reykjaheiðarveg í gömlu fallegu húsi sem heitir Kvíabekkur. Hægt er að fá vöfflur m. súkkulaði, ís, kaffi, safa og gos. Allskonar útileikir eru í boði fyrir börn og fullorðna.

Opnunartíminn fer eftir veðri en reynt er að hafa opið milli 13-15 á öllum blíðviðrisdögum. Sjá nánar á síðunni hér að neðan.

Jaja Ding Dong er útibar fyrir utan Húsavík Cape Hotel. Kaffihúsið heitir eftir samnefndu lagi úr kvikmyndinni Eurovision Song Contest: The Story of Fire Saga.