Fjölskyldufyrirtæki eru þekkt fyrir að bjóða snögga og góða þjónustu. Hvort sem það er sprungið dekk, lakkskemmdir, vélabilun  eða jafnvel einungis almenn skoðun á bílnum, þá mun Bílaleiga Húsavíkur aðstoða þig. Bílaleiga Húsavíkur þjónustar einnig bílaleigubíla, allt frá smábílum til stærri farartækja. 

Travel North er ferðskrifstofa sem sérhæfir sig í ferðaskipulagningu á Norðausturlandi og býður upp á ferðir frá Húsavík og nágrenni. Hvort sem þú óskar eftir almennri ferðaskipulagingu, leiðsögn, gistingu ofl. þá mun Travel North aðstoða þig.  

Fjallasýn veitir skutlþjónustu til og frá Húsavíkurflugvelli sem og aðra valda staði. Þeir staðir eru t.d. Mývatn, Akureyri, Hraunhafnartangi og Vatnajökulsþjóðgarður en þar eru Ásbyrgi og Dettifoss vinsælir áfangastaðir. Skutl bókast á heimasíðu okkar eða með því að hafa samband við okkur í 464 3940.

MTB Húsavík er fyrirtæki sem sérhæfir sig í skipulögðum og sérsniðnum fjallahjóla- og jeppaferðum í nágrenni Húsavíkur en sérútbúinn jeppi getur komið þér á nánast hvaða stað sem er í nágrenninu. 

Bílaleiga Höldur hefur útibú á Húsavík sem gerir þér kleift að leigja bíl sem auðveldar þér að komast ferða þinna. Í boði eru stórir bílar sem smáir. Skila má bílnum á Húsavíkurflugvelli, í miðbæ Húsavíkur eða eftir samkomulagi.  

Nettó er lágvöruverslun á Húsavík sem býður upp á allt það helsta, hvort sem það er nýbakað brauð, ferskasta grænmetið eða hreingerningarvörur.

Vínbúðin er staðsett á Garðarsbraut 21. Opið er 11 - 18 á mán til fim. 11-19 á föstudögum og 11-16 á laugardögum. 

Í Krambúðinni er lengri opnunartími og því auðvelt að næla sér í nasl snemma á morgnana eða seint á kvöldin. Krambúðin er staðsett í miðbæ Húsavíkur, Garðarsbraut 5.

Í Lyfju er færðu lyf, snyrtivörur og heilsutengdar vörur. 

Í Pennanum Eymundsson finnurðu bækur, ritföng, allskyns gjafavöru og minjagripi. 

Á Húsavík er pósthús, opið alla virka daga.  

Skóbúð Húsavíkur er búin að vera í fullu fjöri síðan 1942. Þar er hægt að versla skó og fatnað.