Nýir leiðarvísar fyrir ferðafólk um hvað má og hvað má ekki
Húsavík er eitt sjö bæjarfélaga á Íslandi sem nú hefur þróað staðbundinn leiðarvísi til þess að taka á móti gestum.
Það var AECO (The Associoation of Arctic Expedition Cruise Operators) sem aðstoðaði við skipulagningu á vinnustofum um staðbundna leiðarvísa (e. Community Specific Guidelines), í mars og apríl, á austur-, norður- og s-austurlandi. Tilgangur vinnustofanna var að setja ferðaþjónustuna á dagskrá og þróa leiðarvísa með staðbundnum leiðbeiningum, upplýsingum og ráðleggingum fyrir gesti.
Staðbundnir leiðarvísar eru verkfæri sem þróað var árið 2017 af Cruise Iceland, Visit Greenland, Visit Svalbard, The Northen Norway Tourist board og AECO með fjármagni frá Norræna Atlantssamstarfinu (NORA). Sem liður í þróun almennra leiðbeininga, var búið til sniðmát að leiðarvísum og fyrsti staðbundni leiðarvísirinn þróaðar á Svalbarða árið 2018. Að undirbúningsvinnunni lokinni var hafist handa við að þróa staðbundna leiðarvísa á fleiri stöðum, en í allt urðu til 12 staðbundnir leiðarvísar árið 2018 og 2019.
Staðbundnir leiðarvísar veita gestum hjálpleg tilmæli áður en komið er á hvern stað. Þeir innihalda ábendingar um hvert sé best að fara og ráð um hvernig eigi að vera tillitsamur gestur. Meðal annars hvetur leiðarvísirinn gesti til að njóta bæjarins og landslagsins, en láta gróður, dýr og menningararf ósnortna. Gestum er bent á að um að biðja um leyfi áður en þeir taka myndir af bæjarbúum, til þess að forðast að rjúfa friðhelgi þeirra. Leiðarvísirinn bendir einnig á merkisverða staði og gönguleiðir.
Til að byrja með verður leiðarvísir fyrir Húsavík aðgengilegur HÉR, auk þess sem hann verður afhentur og birtur gestum AECO.
Í lok sumars verður hann endurskoðaður með það í huga að dreifa markvisst til allra gesta.