Húsavík er talið elsta byggða ból á Íslandi, en sænski víkingurinn og landkönnuðurinn Garðar Svavarsson
hafði þar vetursetu fjórum árum áður en Ingólfur Arnarson settist að í Reykjavík. Í bænum má sjá fjölda kennileita sem byggja á nafni Garðars, hvort heldur sem er götur, fyrirtæki, félagasamtök og jafnvel bátar.
Fjöldi ferðamanna
sækir Húsavík heim á hverju ári en Skjálfandaflói
er talinn eitt besta ætissvæði hvala við Ísland. Þá hafa fallegt bæjarstæði
og nærumhverfi, fjölbreytt afþreying auk nálægðar við fjölmargar náttúruperlur svæðisins sitt að segja líka.
Við hlökkum til að taka á móti þér á Húsavík!